Невядомыя пагражалі падарваць Баскава, Лаліту і Сярдзючку
- 27.04.2014, 18:26
На кінастудыі «Масфільм» сёння шукалі бомбу.
Тэлефонны тэрарыст паабяцаў падарваць павільён, дзе здымаецца музычнае шоў «Суботні вечар», піша РІА «Новости».
Інфармацыя аб магчымым выбуховым прыстасаванні па адрасе вуліца Масфільмаўская, дом 1 паступіла ў паліцыю каля 16 гадзін. «На месца накіраваны сапёры і кінолагі з сабакамі. На самай вуліцы часткова перакрыты рух», - паведаміла крыніца ў паліцыі.
Паліцыянты аглядалі ўсе павільёны кінастудыі. Паводле інфармацыі LifeNews, эвакуявана ўжо больш за 150 чалавек.
Вядома, што тэлефонны тэрарыст тэлефанаваў двойчы. Падчас другога званка ён удакладніў, што бомба закладзеная ў павільёне, дзе здымаецца тэлешоў для тэлеканала «Расея».
Пасля маштабнай праверкі паліцыя Масквы дала справаздачу, што выбуховае прылады ў павільёнах кінастудыі не знойдзена.
«Суботні вечар» - канцэртная праграма, вядуць якую Мікалай Баскаў, Лаліта і Верка Сярдзючка. Сказана, што здымаецца праграма ў студыі на Шабалаўцы, а не на «Масфільме». У эфіры, як паведамляе сайт тэлеканала, «зоркі кіно і эстрады, палітыкі і спартоўцы ў нязмушанай атмасферы, седзячы за столікамі, распавядаюць байкі і спяваюць папулярныя песні».
Фота: serduchka-v.ru