Надзвычайнае здарэнне ў метро: цягнікі першай лініі стаялі 20 хвілін
- 27.04.2014, 17:20
Рух быў спынены праз падзенне жанчыны на рэйкі.
Аб надзвычайным здарэнні паведаміла ў сваім акаўнце ў «Твітэры» прэс-служба МНС.
Прычынай спынення стаў інцыдэнт на станцыі «Парк Чэлюскінцаў». Пад цягнік кінулася жанчына. Пазней стала вядома, што яна памерла.
Нягледзячы на тое, што па 100 маршруце пушчаныя дадатковыя аўтобусы, ля ўваходу ў цэнтральныя станцыі метро сабраліся натоўпы людзей.
Прыкладна праз 20 хвілін рух цягнікоў быў адноўлены. Аднак на станцыі метро «Парк Чэлюскінцаў» цягнікі не спыняюцца - там працуе следчая група.
Мінскае метро цалкам аднавіла сваю працу каля 18 гадзінаў. Як паведаміў БелТА прэс-сакратар КУП "Мінскі метрапалітэн" Андрэй Кузьмін , рух на першай лініі сталічнага метро, уключаючы пасадку-высадку пасажыраў на станцыі "Парк Чалюскінцаў", ажыццяўляецца ў штатным рэжыме.