Міліцыя знайшла арсенал сепаратыстаў у Харкаве

• 27.04.2014, 15:42

З кватэры былі канфіскаваныя каскі, падшлемнікі, патроны рознага калібру і біты.

Пра гэта паведамляюць актывісты Еўрамайдана з Харкава на сваёй старонцы ў сацыяльнай сетцы «Фэйсбук».

26 красавіка работнікі Кастрычніцкага райаддзела міліцыі, якія прыбылі на выклік з нагоды магчымага незаконнага пранікнення ў кватэру, знайшлі там перавалачную базу мясцовых сепаратыстаў.

«З кватэры былі канфіскаваныя каскі, падшлемнікі, патроны рознага калібру, біты. У вопіс работнікаў міліцыі паводле нейкіх прычын не трапілі і засталіся ў памяшканні камуфляжная форма з нашыўкамі УВБ, поліэтыленавыя дажджавікі, спальныя мяшкі, а таксама біклажка, прыстасаваная для ўжывання каноплі з каўпачкі з фальгі, з характэрнымі слядамі эксплуатацыі наркаманамі», - гаворыцца ў паведамленні.

Паводле інфармацыі супольнасці, гаспадар кватэры з'яўляецца актыўным удзельнікам антымайдану ў Харкаве.

Матэрыяламі справы зараз займаецца аддзел крымінальнага вышуку.