Праспект Дзяржынскага адкрыюць да 1 траўня

• 24.04.2014, 16:53

Рух транспарту на прасп. Дзяржынскага ў Менску адкрыюць да раніцы 1 траўня.

Пра гэта паведамілі ў Дзяржаўтаінспекцыі Менска.

Пасля адкрыцця ўчасткаў ад вул. Касманаўтаў да вул. Яна Чачота і ад вул. Голубева да прасп. Любімава аўтамабілі змогуць рухацца па праспекце без аб'ездаў, піша «Інтэрфакс».

Рэканструкцыя праезнай часткі прасп. Дзяржынскага пачалася ў сакавіку 2010 года. Пасля завяршэння работ на галоўнай магістралі Маскоўскага раёна сталіцы будзе 8 палос руху агульнай шырынёй 32 м.