У басейне менскага ліцэя атруціліся хлорам 16 вучняў
- 24.04.2014, 16:19
Шаснаццаць дзяцей і інструктар па плаванні атруціліся растворам хлору ў басейне менскага ліцэя.
Надзвычайнае здарэнне адбылося ў ліцэі №1 па адрасе праспект газеты «Звязда», 6а. У басейне праходзілі заняткі, паведамляе БелТА.
Як распавёў памочнік начальніка Менскага гарадскога ўпраўлення па надзвычайных сітуацыях Віталь Дэмбоўскі, усе пацярпелыя шпіталізаваныя ў медыцынскія ўстановы, ім аказваецца неабходная дапамога.
Падрабязнасці і прычыны здарэння высвятляюцца.