Беларускія памежнікі выставілі новыя блокпосты на мяжы з Украінай

• 22.04.2014, 15:27

Праезд ва Украіну праз пункты спрошчанага пропуску абмежаваны.

Пра гэта паведаміў адзін з чытачоў сайта charter97.org.

«Сёння 22 красавіка 2014 года спрабаваў трапіць у вёску Паддабранка, дзе размешчаны пункт спрошчанага пропуску. За 7 кіламетраў да гэтай вёскі, каля Грабаўкі выстаўлены блокпост. Правяраюць дакументы і не прапускаюць машыны, якія не заплацілі дзяржпошліну за праезд па прымежных тэрыторыях», - піша ён.

Пункт спрошчанага пропуску Паддабранка размешчаны на тэрыторыі Гомельскай вобласці.