Прапагандыст Кісялёў прыехаў у Крым «падымаць» СМІ
- 22.04.2014, 11:39
Адыёзны расейскі журналіст Дзмітрый Кісялёў прыехаў у Крым.
Пра гэта паведамляе "Радио "Свобода".
Старшыня Дзяржсавета непрызнанай Рэспублікі Крым Уладзімір Канстанцінаў ужо правёў сустрэчу з галоўным пуцінскім прапагандыстам.
"Ключавой тэмай абмеркавання сталі перспектывы развіцця крымскай медыяпрасторы і магчымасці адкрыцця ў рэспубліцы мультымедыйнага прэс-цэнтра, а таксама радыёканала сеткі ВГТРК", - гаворыцца ў паведамленні. Акрамя гэтага, Кісялёў пагаварыў аб правядзенні 12-га штогадовага джазавага фестывалю "Джаз-Кактэбель".
Як вядома, у канцы сакавіка пасля анэксіі Крыма арганізатары гэтага мерапрыемства заявілі, што фестываль пераязджае з Крыма.
Кісялёў з'яўляецца галоўным прапагандыстам пуцінскага рэжыму, яго праграмы на расейскім тэлебачанні падчас і пасля Майдана адзначаліся адкрытай хлуснёй і падтасоўваннем.