Financial Times: Пентагон адправіць сухапутныя войскі ў Эстонію і Польшчу

• 22.04.2014, 10:21

ЗША плануюць размясціць невялікія групы сухапутных войскаў у Польшчы і Эстоніі.

ЗША разважаюць аб размяшчэнні невялікіх груп сухапутных войскаў у Польшчы і Эстоніі для кароткіх ваенных вучэнняў у спробе супакоіць усходнееўрапейскіх сяброў НАТА, усхваляваных замахамі рускіх на Украіну.

Пра гэта піша Financial Times (пераклад - «Инопресса»).

«Вучэнні будуць праводзіцца ў рамках больш шырокага перагляду пазіцый амерыканскіх войскаў у Еўропе, які праводзіцца Пентагонам у пошуках спосабаў супрацьстаяння Расеі, якая анэксавала Крым і размясціла каля 40 тысяч вайскоўцаў на ўкраінскай мяжы», - адзначае аўтар артыкула Джэф Даер.

Прадстаўнік ЗША заявіў, што разгляданыя вучэнні мяркуюць удзел 100-150 вайскоўцаў і працягнуцца некалькі тыдняў. Пра верагоднасць разгортвання амерыканскіх войскаў упершыню заявіў міністр замежных спраў Польшчы Тамаш Семаняк, які сказаў у пятніцу рэдакцыі The Washington Post, што прынцыповае рашэнне прынята.