Беларусь і Расея рыхтуюць новыя вучэнні ВПС і СПА

• 21.04.2014, 12:50

Вучэнні пройдуць пад кіраўніцтвам галоўнакамандуючага ВПС Расеі.

Яны пройдуць з 21 па 25 красавіка. Больш за 150 прадстаўнікоў Ваенна-паветраных сіл Расеі і іх калегі з Беларусі сустрэнуцца на канферэнцыі для абмеркавання сумесных вучэнняў і адпрацоўкі ўзаемадзеяння ВПС і СПА, паведаміў журналістам прадстаўнік упраўлення прэс-службы і інфармацыі Мінабароны РФ па ВПС палкоўнік Ігар Клімаў.

Канферэнцыя пройдзе на палігоне Ашулук у Астраханскай вобласці з 21 па 25 красавіка. Кіраваць мерапрыемствамі будзе галоўнакамандуючы ВПС РФ генерал-лейтэнант Віктар Бондараў.

«У складаным становішчы з перашкодамі будуць праведзеныя баявыя стрэльбы разлікамі зенітнай ракетнай сістэмы С-300, зенітным ракетна-гарматным комплексам «Панцыр-З», самалёты Су-34, Су-35, Як-130, МіГ-29 ажыццявяць пускі ракет і бамбакіданне. У практычнай частцы вучэнняў будуць задзейнічаныя верталёты Мі-24 і Мі-8», - сказаў Клімаў.

Удзел у практычнай частцы таксама возьмуць брыгады паветрана-касмічнай абароны і знішчальна-авіяцыйнага палка.

Нагадаем, ва Узброеных Сілах Беларусі працягваецца праверка боегатоўнасці, распачатая са студзеня бягучага года па даручэнні Лукашэнкі. Першыя два месяцы выпрабоўвалася гатоўнасць органаў кіравання, сегмента супрацьпаветранай абароны, а таксама органаў кіравання і падраздзяленняў тэрытарыяльнай абароны. Пасля гэтага правяралася адзіная рэгіянальная сістэма СПА Беларусі і Расеі.