Дачка Пуціна выйшла замуж: таемная цырымонія прайшла ў Марока

• 21.04.2014, 11:46

Удзельніца шоў Britain's Got Talent Леціс Роўботэм і яе калектыў High On Heels выступілі на вяселлі малодшай дачкі прэзідэнта РФ Уладзіміра Пуціна.

Пра гэта піша The Daily Mirror. Па словах скрыпачкі, за працу ёй заплацілі £200.

Сцвярджаецца, што трохдзённая вясельная цырымонія праходзіла ў элітным гатэлі La Mamounia у Маракешы, піша gazeta.ru.

Менавіта там жаніліся 27-гадовая Кацярына Пуціна і 28-гадовы Юн Джун Вунь, гаворыцца ў артыкуле.

«Гэта было сапраўды весела, такі надзвычайны вопыт. У той час гэта з'яўлялася топ-сакрэтам, мы не маглі нікому паведаміць пра тое, што робім», - распавяла Роўботэм.

Газета дадае, што вяселле было «ў рускіх традыцыях» і што цырымонію наведалі некалькі персон міжнароднага маштабу.