Масква і Ерэван абвінавацілі Турцыю ў разні армян

• 2.04.2014, 15:31

МЗС Расеі заклікаў Раду Бяспекі ААН асудзіць разню армян у сірыйскім горадзе Кесабэ.

У атацы на раён кампактнага пражывання армян абвінавачваюць Турцыю. Пра гэта гаворыцца ў заяве МЗС Расеі.

"Ужо некалькі дзён увага міжнароднай грамадскасці і праваабарончых арганізацый прыкаваная да сітуацыі ў горадзе Кесабэ на паўночным захадзе Сірыі, на мяжы з Турцыяй, у 65 кіламетрах ад горада Латакіі. Паводле дадзеных, раён вакол горада Кесаб, дзе стагоддзямі яшчэ з часоў існавання Кілікійскага армянскага царства кампактна пражываюць армяне, падвергнуўся жорсткаму нападу атрадаў звязаных з "Аль-Каідай" экстрэмісцкіх груповак "Джэбхат ан-Нусра" і "Ахрар аш-Шам" колькасцю ў некалькі тысяч чалавек. Пры гэтым варта адзначыць, што ў гістарычным армянскім анклаве, на які абрынулася міжнародная банда забойцаў і гвалтаўнікоў, не было ваенных аб'ектаў", - гаворыцца ў заяве.

Пры гэтым, МЗС Расеі прызнае, што відэасведчанні разні армян у Кесабэ могуць змяшчаць недакладнасці.