Расея забараняе ўвоз свініны з Польшчы і Літвы

• 2.04.2014, 12:28

Рассельгаснагляд тлумачыць гэта ўспышкамі афрыканскай чумы свіней у гэтых краінах.

Расея з 7 красавіка ўслед за Беларуссю забараняе ўвоз гатовай мясной прадукцыі, якая змяшчае свініну, з Польшчы і Літвы. Пра гэта паведаміў памочнік кіраўніка Рассельгаснагляду Аляксей Аляксеенка.

Раней кіраўнік ведамства Сяргей Данкверт адзначаў, што ў ведамстве не выключаюць, што перапрацоўчыя прадпрыемствы Літвы і Польшчы могуць выкарыстоўваць патэнцыйна небяспечную сыравіну, піша РІА «Новости».

У сапраўдны момант у дачыненні да ўсіх краін Еўразвяза дзейнічае забарона на пастаўкі ў Расею свініны. Гэта звязана з успышкамі афрыканскай чумы свіней (АЧС), якія былі зафіксаваныя ў Літве і Польшчы. Раней Данкверт паведамляў, што пастаўкі свініны з ЕЗ могуць аднавіцца не раней красавіка бягучага года.

Таксама з 7 красавіка Рассельгаснагляд уводзіць забарону на пастаўкі ў Расею замарожанай ялавічыны з Аўстраліі. З 31 сакавіка ведамства ўжо ўвяло забарону на ўвоз астуджанай ялавічыны.