ДАІ ўзмоцніць работу ў выходныя дні
- 18.04.2014, 15:16
У пятніцу і выходныя дні Дзяржаўтаінспекцыя будзе працаваць ва ўзмоцненым рэжыме па ўсёй Беларусі.
Пра гэта паведамілі БелаПАН ва ўпраўленні ДАІ МУС.
Супрацоўнікі Дзяржаўтаінспекцыі будуць забяспечваць бяспеку дарожнага руху ў месцах масавага знаходжання грамадзян падчас правядзення мерапрыемстваў, прысвечаных святкаванню Вялікадня.
У сталіцы абмяжоўваць дарожны рух і перакрываць вуліцы не плануецца, ля галоўных каталіцкіх і праваслаўных храмаў будуць выдзелены дадатковыя парковачныя месцы.
У мэтах забеспячэння бяспекі дарожнага руху супрацоўнікі ДПС нададуць асаблівую ўвагу кантролю за выкананнем хуткасных рэжымаў і фізічным станам кіроўцаў.