Двое расейцаў на «Хамеры» спрабавалі прарвацца ва Украіну

• 18.04.2014, 12:00

За незаконнае перасячэнне дзяржмяжы на парушальнікаў склалі пратаколы адмінвытворчасці.

Двух грамадзян Расеі, якія на аўтамабілі «HUMMER Н2» спрабавалі трапіць ва Украіну ў абыход пункта пропуску, затрымала сёння раніцай група рэагавання аддзелу памежнай службы «Шалыгіна» Сумскага атрада.

Як паведамілі УНІАН у Аддзеле па пытаннях узаемадзеяння са СМІ адміністрацыі Дзяржаўнай памежнай службы Украіны, парушальнікаў заўважылі каля 4 гадзін раніцы памежнікі аддзела «Кацярынаўка» з дапамогай цеплавізара. Іншамарку група рэагавання спыніла паміж расейскім населеным пунктам Гарадзішча і ўкраінскім Кацярынаўка. На іншамарцы ехалі двое мужчын - грамадзяне Расеі, 1981 і 1994 гадоў нараджэння.

Затрыманыя расейцы растлумачылі, што мелі намер трапіць на тэрыторыю Украіны з мэтай «азнаямлення» са становішчам, якое склалася ў нашай краіне, і настроямі грамадзян Украіны.

За незаконнае перасячэнне дзяржмяжы на парушальнікаў склалі пратаколы адмінвытворчасці. Далейшы лёс затрыманых расейцаў вырашыць суд. Пра правапарушальнікаў паведамілі супрацоўнікам СБУ.