Францыя дапаможа арміі Украіны бронекамізэлькамі

• 17.04.2014, 15:17

Міністэрства абароны Украіны атрымае партыю бронекамізэлек у выглядзе гуманітарнай дапамогі.

Пра гэта на брыфінгу сказаў ч.в.а. начальніка цэнтральнага ўпреўлення рэчавага забеспячэння арміі тылу Узброеных сіл Украіны Алег Даўгалюк, паведамляюць "Украинские Новости".

"Мы звярнуліся да міжнародных арганізацый, і не толькі ваенных, каб яны далі нам дапамогу... Французскі бок ужо адгукнуўся, бронекамізэлькі будуць дастаўленыя з іх гуманітарнай дапамогі", - паведаміў ён.

Даўгалюк адзначыў, што цяпер ва ўкраінскай арміі склалася крытычная сітуацыя з наяўнасцю бронекамізэлек і кеўларавых шлемаў, паколькі іх засталося мінімальная колькасць.

Мінабароны ўжо падало адпаведную заяўку і чакае, што з траўня па ліпень усе часткі Узброеных сіл будуць забяспечаныя дастатковай колькасцю бронекамізэлек і шлемаў.

У той жа час Мінабароны канстатуе забеспячэнне ўсіх вайскоўцаў формай і абуткам.

Даўгалюк адзначыў, што распачатыя распрацоўкі ўсяго базавага камплекта вайскоўца выключна на ўкраінскіх прадпрыемствах.

Паводле яго слоў, базавы камплект для вайскоўцаў, у які ўваходзіць таксама бронекамізэлька, каштуе каля 5 тыс. грыўняў, а для спецназа - каля 10 тыс. грыўняў.

51 мільён грыўняў з пералічаных украінцамі на адзіны нумар дабрачыннай дапамогі Мінабароны будзе пералічаны на рэчавае забеспячэнне арміі, у прыватнасці на набыццё спальных мяшкоў.

Таксама Мінабароны інфармуе, што ва Украіну ўжо прыбылі і раздадзеныя воінскім падраздзяленням 300 тысяч пайкоў рацыёну харчавання, дасланых з ЗША.

У той жа час на велікодныя святы Мінабароны вырашыла дадаткова ўключыць у рацыён салдат велікодныя кулічы і крашанкі.

Іх выраб замовяць у мясцовых вытворцаў у месцах дыслакацыі падраздзяленняў.