Украінцы пералічылі 100 мільёнаў грыўняў на падтрымку войска

• 17.04.2014, 12:12

Мінабароны падзякавала неабыякавым грамадзянам краіны.

Па стане на 16 красавіка ад юрыдычных і фізічных асоб у якасці дапамогі Узброеным Сілам Украіны ў рамках акцыі «Падтрымай Украінскае войска» на рахункі Міністэрства абароны Украіны паступіла ўжо больш за 101,5 мільёна грыўняў.

Пра гэта паведамілі ў прэс-службе Мінабароны.

З гэтай сумы 95,9 мільёна грыўняў - грашовыя пераводы на матэрыяльна-тэхнічнае, астатнія - на медыцынскае забеспячэнне Узброеных Сіл Украіны.

З 101,5 мільёна грыўняў ад юрыдычных асоб атрымана 42,7 мільёна грыўняў, 33,8 мільёна грыўняў - ад фізічных асоб, 24,4 мільёна грыўняў - ад мабільных аператараў на тэрыторыі Украіны з дапамогай званкоў на адзіны мабільны нумар «565».

Акрамя таго, на рахункі Мінабароны паступіла 57,3 тысячы даляраў ЗША і 32,1 тысячы еўра. Пасля абавязковага продажу замежнай валюты (50% ад агульнай сумы), рэшту замежнай валюты на рахунках Міністэрства абароны Украіны склала 28,65 тысячы даляраў ЗША (грыўневы эквівалент - 324,2 тысячы грыўняў) і 16,05 тысячы еўра (грыўневы эквівалент - 243, 4 тысячы грыўняў).

Па прапановах Генеральнага штаба Узброеных Сіл Украіны сродкі ў суме 58,7 мільёна грыўняў плануецца накіраваць на набыццё:

22,0 мільёна грыўняў - шлемаў пуленепрабівальных (кяўларавых);

15,2 мільёна грыўняў - спальных мяшкоў і ізалявальных подсцілаў;

8,5 мільёна грыўняў - флоцкай формы адзення;

3,5 мільёна грыўняў - маскіровачных сетак;

2,2 мільёна грыўняў - сродкаў сувязі і камплектуючых да іх;

2,1 мільёна грыўняў - баваўняных просцінаў;

1,8 мільёна грыўняў - коўдраў;

1,4 мільёна грыўняў - матрацаў;

1,2 мільёна грыўняў - тапаграфічных мапаў;

0,4 мільёна грыўняў - навалачак баваўняных;

0,4 мільёна грыўняў - падушак баваўняных.

Па прапановах Ваенна-медыцынскага дэпартамента Міністэрства абароны Украіны 1,3 мільёна грыўняў пералічаныя на рахункі ваенна-медыцынскіх устаноў набыццё медыкаментаў і перавязачных матэрыялаў.

Улік і выкарыстанне названых сродкаў ажыццяўляецца ў адпаведнасці з патрабаваннямі бюджэтнага заканадаўства.

Міністэрства абароны, Узброеныя Сілы Украіны выказваюць шчырую падзяку ўсім неабыякавым грамадзянам, якія далучыліся да дабрачыннай акцыі «Падтрымай Украінскае войска» і працягваюць аказваць дапамогу айчынным Узброеным Сілам з мэтай павышэння іх боегатоўнасці і ўмацавання абараназдольнасці дзяржавы.