Баевікі заблакавалі чыгунку пад Данецкам

• 16.04.2014, 12:19

Невядомыя перакрылі чыгуначныя зносіны на ўчастку Краматорск-Дружкоўка ў Данецкай вобласці.

Пра гэта "ОстроВу" паведамілі ў прэс-службе Данецкай чыгункі.

"У сувязі з несанкцыянаваным перакрыццем руху на ўчастку Краматорск-Дружкоўка неўстаноўленымі асобамі змяняецца маршрут руху пасажырскіх і прыгарадных цягнікоў. З мэтай арганізацыі перавозак пасажыраў цягніка, якія курсуюць на дадзеным участку, будуць прапускацца па змененым маршруце руху да разблакавання", - паведамляе прэс-служба.

Праз станцыю Краматорск кожныя суткі курсуе 13 пар пасажырскіх цягнікоў і 14 пар цягнікоў прыгарадных зносінаў.