У Астраханскай вобласці разбіўся самалёт ВПС Расеі
- 15.04.2014, 19:37
Вучэбна-трэніровачны самалёт Як-130 пацярпеў катастрофу ў Астраханскай вобласці.
Пра гэта паведамілі агенцтву "Інтэрфакс" у абласных экстраных службах.
"А 18:30 паводле маскоўскага часу ў Ахтубінскім раёне Астраханскай вобласці пры выкананні вучэбна-трэніровачнага палёту пацярпеў катастрофу і ўпаў самалёт ВПС Расеі Як-130. Адзін з чальцоў экіпажа загінуў, другі - пацярпеў", - сказала крыніца.
Паводле яе слоў, самалёт упаў прыкладна ў 25 км ад пункту вылету. Акалічнасці здарэння высвятляюцца.