Баевікі паранілі вайскоўца ў Краматорску

• 15.04.2014, 19:09

Падчас штурму аэрапорта Краматорск паранены ўкраінскі вайсковец.

Пра гэта паведамілі ў Мінабароны Украіны. У абаронным міністэрстве таксама паведамілі, што ўкраінская авіяцыя ажыццяўляла абарону вайскоўцаў падчас супрацьстаяння. Сэпаратысты падчас штурму аэрапорта ў Краматорску паранілі аднаго вайскоўца, гэта інфармагенцтву УНП паведамілі ў Мінабароны.

"Паводле папярэдняй інфармацыі, сярод вайскоўцаў УСУ адзін паранены ў выніку ўзброенага супрацьстаяння. Аэрапорт пад кантролем УСУ. З паветра падтрымка і абарона аэрапорта ажыццяўлялася авіяцыяй. Пакуль гэта ўся інфармацыя, яна ўдакладняецца", - адзначылі ў Мінабароны.

У выніку спецаперацыі ў Краматорску ўкраінскімі сілавікамі быў вызвалены аэрапорт.