Расея перадумала вяртаць Украіне захопленую ў Крыме тэхніку
- 15.04.2014, 15:42
Працэс перадачы ваеннай тэхнікі прыпынены.
Пра гэта заявіў намеснік міністра абароны Расеі Анатоль Антонаў, паведамляе ІТАР-ТАСС.
«Хацеў бы нагадаць, што РФ прытрымліваецца міжнародных абавязацельстваў, і ў рамках Парыжскай хартыі, у рамках Хельсінскага акта, рашэнняў ААН і АБСЕ ўзяла на сябе абавязацельствы не пастаўляць або праявіць стрыманасць у дачыненні да паставак зброі ў гарачыя кропкі», - сказаў ён.
Паводле слоў намесніка міністра, усход і паўднёвы ўсход Украіны на дадзены момант з'яўляюцца гарачай кропкай.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.