Навукоўцы створаць жывое сэрца з дапамогай 3D-прынтэра

• 15.04.2014, 13:33

Сапраўдным прарывам у галіне транспланталогіі абяцае стаць медыцынскі праект па стварэнні жывога сэрца з дапамогай 3D-прынтэра.

Праўда, на яго рэалізацыю можа сысці не менш за пяць гадоў, піша rg.ru.

Пра запуск унікальнага праекта паведаміла каманда экспертаў з Луісвілскага ўніверсітэта, якую ўзначальвае Сцюарт Уільямс.

Па дадзеных "TG Daily", "біяфіцыяльнае сэрца" будзе адначасова і сапраўдным, і штучным. Вобласцю яго прымянення павінна стаць транспланталогія.

Раней навукоўцы ўжо не раз выкарыстоўвалі 3D-прынтэр для стварэння розных медыцынскіх сродкаў. З дапамогай трохмернага друку ў іх нават атрымалася зрабіць вушы.

У рамках праекта навукоўцы ўжо стварылі з дапамогай 3D-прынтэра клапаны і малыя вены сэрца - іх эксперыментальнае ўжыўленне дало станоўчыя вынікі. Цяпер навукоўцы рыхтуюцца да стварэння іншых частак сэрца. Складаны момант у працы - гэта дамагчыся таго, каб створаныя па асобнасці часткі ў выніку змаглі разам выконваць функцыі органа.

Паведамляецца, што "надрукаванае" сэрца будзе складацца з клетак самога пацыента. Гэта дазволіць мінімізаваць праблемы, якія ўзнікаюць пасля перасадкі органа.