Юлія Цімашэнка: Данецкі сцэнар могуць рэалізаваць у Кіеве
- 15.04.2014, 9:45
Людзі, якія заклікаюць зрынаць уладу, з'яўляюцца часткай сцэнара, які разгортваецца на ўсходзе Украіны.
Пра гэта былы прэм'ер-міністр краіны Юлія Цімашэнка заявіла ў эфіры тэлеканала ICTV, паведамляе УНІАН.
"Тое, што зараз адбылося на Майдане Незалежнасці, і тое, што заўтра заклікаюць ісці і валіць ўладу - гэта частка таго сцэнара, які разгортваецца на ўсходзе Украіны, але толькі перамяшчаецца ў Кіеў", - сказала яна.
Лідар партыі "Батькивщина" лічыць, што цяпер існуе вялікая пагроза сілавых дзеянняў у дачыненні да адміністрацыйных будынкаў у Кіеве. "Сотні ўзброеных людзей атачаюць зараз Вярхоўную Раду Украіны, і падцягваюцца дадатковыя сілы. Зараз гэта тыя людзі, якія на плошчы некалькі гадзін таму заклікалі штурмаваць і валіць ўладу", - адзначыла Юлія Цімашэнка.
Нагадаем, раней актывісты пікетавалі будынак Вярхоўнай Рады і палілі шыны перад ім, патрабуючы прыцягнуць да адказнасці кіраўніка МУС Арсэна Авакава і в.а. прэзідэнта Аляксандра Турчынава за неэфектыўную палітыку супраціву сепаратызму.