Узброеныя баевікі захапілі аддзяленні міліцыі ў Данецку
- 15.04.2014, 9:39
Сёння ноччу быў захоплены Пятроўскі РАУС Данецка.
Пра гэта 62.ua паведамілі відавочцы.
Падчас захопу будынка міліцыя асаблівага супраціву не аказвала. Таксама стала вядома пра захоп Мар'інскага РАУС і раённай пракуратуры. Пра гэта паведаміў адзін з супрацоўнікаў пракуратуры.
Афіцыйнага пацверджання або абвяржэння гэтай інфармацыі пакуль няма.
14 красавіка ўвечары, па словах жыхара Курахова Данецкай вобласці, у горадзе быў захоплены будынак гарсавету.
Нагадаем, 12 красавіка расейскія дыверсанты захапілі райаддзел міліцыі ў Славянску. 13 красавіка МУС праводзіла ў горадзе антытэрарыстычную аперацыю, у выніку якой 9 чалавек былі параненыя, а адзін украінскі афіцэр забіты акупантамі.
Пасля гэтага Савет нацыянальнай бяспекі і абароны прыняў рашэнне пачаць шырокамаштабную антытэрарыстычную аперацыю з прыцягненнем Узброеных Сіл Украіны.
На дадзены момант сепаратысты і расейскія дыверсанты кантралююць адміністрацыйныя будынкі ў некалькіх гарадах на ўсходзе Украіны - ад Славянска да Марыупаля.