Турчынаў склікае тэрміновае пасяджэнне РНБА Украіны

• 12.04.2014, 20:38

Рада нацыянальнай бяспекі і абароны абмяркуе сітуацыю ў Данецкай вобласці.

Пасяджэнне пройдзе сёння а 21:00. Пра гэта паведамляе прэс-служба Аляксандра Турчынава.

«У сувязі з падзеямі ў Данецкай вобласці, в.а. Прэзідэнта Украіны, Старшыня Вярхоўнай Рады Украіны Александр Турчынаў на 21:00 склікае Раду нацыянальнай бяспекі і абароны», - сказана ў паведамленні.

Нагадаем, сёння з'явіліся паведамленні аб захопе расейскімі дыверсантамі адміністрацыйных будынкаў у некаторых гарадах Данецкай вобласці.