Шпіёны Лукашэнкі праніклі ў Польшчу па «ліпавых» запрашэннях?

• 10.04.2014, 13:31

Польскія памежнікі не выключаюць, што беларусы, якія незаконна праніклі ў краіну, - шпіёны.

Яшчэ ў чэрвені 2011 года Сілезскі аддзел Памежслужбы Польшчы правёў у горадзе Чэнстохава самую маштабную аперацыю па затрыманні банды з 21 чалавека. Злачынная групоўка займалася падачай фіктыўных запрашэнняў для грамадзян Беларусі, а пасля атрымання імі віз, іх прапіскай. Сярод членаў мафіі - настаўнікі, беспрацоўныя, пенсіянеры, дробныя прадпрымальнікі і рабочыя, піша Gazeta.pl (пераклад - charter97.org).

Кіравала бандай польска-беларуская шлюбная пара: Ганна К., супрацоўніца адміністрацыі адной з мясцовых школ, і Казімір К., беспрацоўны беларус. Па версіі пракуратуры, злачынная група пад іх кіраўніцтвам дапамагла аформіць візы і прапісаць 200 грамадзян Беларусі.

На думку следства і памежнікаў, «сярод запрошаных беларусаў маглі быць як злачынцы, так і шпіёны Лукашэнкі».