На зніклым самалёце Malaysia Airlines былі ўкраінцы
- 8.03.2014, 15:55
На борце зніклага самалёта авіякампаніі Malaysia Airlines знаходзіліся двое грамадзян Украіны, іх асобы ўстаноўленыя.
Пра гэта паведаміла прэс-служба Міністэрства замежных спраў, піша Інтэрфакс.
«У ноч з 7 на 8 сакавіка падчас выканання рэйсу MH370 «Куала-Лумпур-Пекін» з экранаў радараў знік авіялайнер Boeing 777-200 авіякампаніі «малазійскія авіялініі». На яго борце знаходзіліся 227 пасажыраў і 12 чальцоў экіпажа. Сярод пасажыраў самалёта было 2 грамадзян Украіны, іх асобы ўстаноўленыя», - гаворыцца ў паведамленні.
У цяперашні час працягваецца аперацыя па пошуку самалёта ў водах Паўднёва-Кітайскага мора.
Амбасада Украіны ў Малайзіі і В'етнаме ў каардынацыі з МЗС Украіны ажыццяўляюць мерапрыемствы для ўстанаўлення блізкіх і сваякоў зніклых грамадзян Украіны.
Як вядома, караблі ВМС Малайзіі, якія знаходзяцца ў меркаваным раёне крушэння самалёта авіякампаніі Malaysia Airlines, пакуль не выявілі ніякіх абломкаў.
На борце самалёта было 153 жыхары Кітая і 12 інданезійцаў. Акрамя іх, былі пасажыры з Аўстраліі, ЗША, Францыі, Украіны і Канады.
Boeing 777 зваліўся ў моры ў тэрытарыяльных водах В'етнама ў 250 кіламетрах ад выспы Тхо-Чу.