Невядомыя абрабавалі дом Пшонкі і ўчынілі ў ім пагром

• 7.03.2014, 11:02

Па словах суседзяў, з маёнтка экс-генпракурора Украіны выносілі абразы, мошчы і каштоўнасці.

Раскошны дом экс-генпракурора Віктара Пшонкі разграмілі цалкам. Па словах суседзяў, невядомыя скралі з гаража квадрацыклы, і ганялі па палях, піша liga.net.

Пасля нашэсця невядомых у пакоях засталіся горы бруду, на сталах кучы аб'едкаў, а ў паветры ўстойлівы пах алкаголю і перагару. Па ўсім доме - недапітыя бутэлькі элітнага віна і пустыя пачкі ад цыгарэт.

Ад палотнаў, якія віселі на сценах асабняка, засталіся адны рамкі. Па словах суседзяў, з дома выносілі абразы, мошчы і каштоўнасці.

Фота: 4ubuk.blogspot.nl