Гарэлка ў Беларусі падаражэла
- 7.03.2014, 10:28
Гарэлка будзе каштаваць у крамах не менш 45 тысяч рублёў.
Мінэканомікі вырашыла павялічыць гранічныя мінімальныя кошты на моцны алкаголь, піша БелаПАН.
Мінімальны адпускны кошт на алкагольную прадукцыю крэпасцю 40% павялічаны на 7 тысяч рублёў, - да 37 тысяч за паўлітра. Вытворцы не змогуць адпускаць алкаголь ніжэй гэтага кошту.
У крамах жа моцны алкаголь будзе прадавацца не танней 45 тысяч за паўлітра. Новы мінімальны раздробны кошт будзе вышэй, чым раней, на 7 тысяч рублёў (на 18,4%).
На 20 тысяч (37%) у Беларусі вырас лімітавы мінімальны адпускны кошт на імпартныя алкагольныя напоі крэпасцю 40% - да 74 тысяч за 0,5 літра.