Жыхары Кіева: Пуцін, гэць з пляжу
- 6.03.2014, 18:26
Прэзідэнта Расеі просяць не пачынаць вайну з Украінай.
Актывісты завесілі ўвесь паркан амбасады Расейскай Федэрацыі ў Кіеве плакатамі з патрабаваннямі вывесці войскі з Крыму. Яны таксама нагадваюць, што Украіна - адзіная краіна, а паўвыспа - яе неад'емная частка, паведамляе ТСН.
На некалькіх плакатах - прэзідэнт Расеі Уладзімер Пуцін з дамаляванымі вусамі, як у Гітлера, і подпіс: "Пуцін = Гітлер". Таксама ўкраінцы заклікаюць: "Пуцін, забяры свае граблі ад Украіны", "Пуцю прэч", "Путлер сыходзь", "Пуцін, я - расеец. Абарані мяне ад сябе", "Украіна адзіная", "Крым - гэта Украіна", "Не вайне" і "Пуцін, гэць з пляжу".
Нагадаем, ужо тыдзень узброеныя расейскія вайскоўцы блакуюць украінскія вайсковыя часткі ў Крыме. Самаабвешчаная ўлада паўвыспы плануе правесці сепаратысцкі рэферэндум аб аддзяленні Крыма ад Украіны і ўваходжання яго ў склад Расейскай Федэрацыі.