Узброеныя людзі ў Керчы: «Мы расейскія вайскоўцы»

• 4.03.2014, 20:02

Журналісты пагутарылі з узброенымі людзьмі, якія ўварваліся ў Керч.

Учора праз паромную пераправу з Краснадарскага краю Расеі ў Крым праніклі ўзброеныя жаўнеры і тэхніка. Салдаты адзетыя ў вайсковую форму без апазнавальных знакаў, але ў працэсе размовы яны прызнаюцца, што з'яўляюцца расейскімі вайскоўцамі.

«Мы знаходзімся тут з мэтай прадухілення тэрарыстычных актаў», - заяўляюць яны, але больш нічога зразумелага сказаць не могуць.