BE RU EN

Як працуе расейская прапаганда

  • 29.03.2014, 14:32

Адзін з цікавых прыкладаў таго, як працуе расейская машына прапаганды.

Пра гэта напісаў вядомы расейскі блогер Рустэм Адагамаў.

РІА Новости: «Рэйтынг Абамы ўпаў да рэкордна нізкага ўзроўню. Колькасць амерыканцаў, што не ўхваляе дзеянні прэзідэнта ЗША Барака Абамы, вырасла да 59%, усталяваўшы чарговы антырэкорд. Найбольшую крытыку выклікаюць міжнародная палітыка Белага дома».

І ні слова пра тое, чаму ж упаў рэйтынг і ў чым менавіта амерыканцам не падабаецца міжнародная палітыка Абамы.

Хоць, у зыходным тэксце Associated Press, якое і замаўляла даследаванне грамадскай думкі, ясна гаворыцца, што 9 з 10 амерыканцаў падтрымліваюць санкцыі супраць Расеі ў адказ на анэксію Крыма, але прыкладна палова мяркуе дзеянні Абамы надзвычай мяккімі. Таму, уласна, яго рэйтынг і ўпаў. Амерыканцы незадаволеныя тым, што Абама не рашучы ў сваіх дзеяннях ў абарону ўкраінцаў.

Вось так можна выдаць інфармацыю быццам бы дакладную, але якая ні аб чым не кажа, і зводзіць чытача ў зман.

Апошнія навіны