Загадчык гаспадаркі «замінаваў» паліклініку ў Баранавічах

• 28.03.2014, 11:08

Супрацоўнік баранавіцкай стаматалагічнай паліклінікі зрабіў муляж бомбы.

Пра гэта сайту charter97.org паведаміў чытач.

«26 сакавіка ў Баранавічах загадчык гаспадаркі стаматалагічнай паліклінікі без чыйго-небудзь ведама самастойна вырабіў муляж бомбы, які быў знойдзены раніцай яе работнікамі. Здарыўся сур'ёзны «шухер», па трывозе былі паднятыя адпаведныя службы, будынак ачапілі. Цікава тое, што на базе гэтай паліклінікі менавіта ў той дзень павінны былі пачацца навучальныя мерапрыемствы МНС па прадухіленні надзвычайных здарэнняў», - адзначыў ён.