Плата за смеццеправоды ў дамах будзе павялічаная

• 27.03.2014, 18:00

Жыхары дамоў, абсталяваных смеццеправодамі, за вываз адкідаў будуць плаціць больш.

Як паведаміў журналістам на прэс-канферэнцыі міністр жыллёва-камунальнай гаспадаркі Андрэй Шорац, цяпер прапрацоўваецца пытанне аб усталяванні так званага дзвюхстаўкавага тарыфу. А вось для жыхароў дамоў, не абсталяваных смеццеправодамі або з закансерваванымі смеццевымі "кропкамі", плата за вываз адкідаў будзе паменшаная. Да такіх захадаў даводзіцца звяртацца ў сувязі з тым, што адкіды, якія трапляюць у смеццеправоды, не пасуюць для здабывання другасных матэрыяльных рэсурсаў і далейшага ўжывання. У той жа час у пад'ездах, абсталяваных смеццеправодамі, нярэдка з'яўляюцца непрыемныя пахі і заводзяцца кузуркі, піша minsknews.by.

У краіне ўжо ёсць досвед поўнай адмовы ад гэтай камунальнай выгоды - у Гомелі. Там усе смеццеправоды закансервавалі больш за 15 гадоў таму, і жыхары актыўна займаюцца паасобным зборам адкідаў.

Усяго ў Мкнску 10.562 смеццеправодаў. З іх на жаданне жыхароў заштукавалі блізу 300.