Тайныя суды над віцебскімі апазіцыянерамі

• 27.03.2014, 11:20

Напярэдадні Дня Волі Барыса Хамайду і Яна Салаўяна пасадзілі на суткі.

Суд Чыгуначнага раёна Віцебска прысудзіў актывістаў да трох сутак турмы. Аднак прычына іх затрымання і артыкул, па якім яны былі асуджаныя, невядомыя, паведамляе сайт «Свободный регион».

Дзяжурны віцебскага ізалятара часовага ўтрымання растлумачыў, што Хамайда і Салаўян былі арыштаваныя за правапарушэнне, але не адказаў, за якое менавіта. Тэрмін іх арышту мінае сёння а 20:00, пасля чаго стануць вядомыя падрабязнасці справы.