Расея пачала маштабныя вучэнні артылерыстаў

• 20.03.2014, 17:38

На палявыя заняткі выведзена больш за 50 батарэй ствольнай і рэактыўнай артылерыі ЗВА.

Больш за 4 тысячы вайскоўцаў артылерыйскіх злучэнняў і воінскіх частак Заходняй ваеннай акругі РФ бяруць удзел у лагерных зборах артылерыі. Пра гэта паведамляе прэс-служба Міністэрства абароны Расейскай Федэрацыі.

«Асаблівасцю лагерных збораў артылерыстаў ЗВА ў бягучым годзе стала значнае павелічэнне боепрыпасаў, што выдзяляюцца на баявую падрыхтоўку падраздзяленняў. У ходзе выканання баявых стрэльбаў кожным артылерыйскім злучэннем і часткай будзе выдаткавана больш за 2 тыс. боепрыпасаў розных тыпаў і калібраў», - гаворыцца ў паведамленні.

Лагерныя зборы праходзяць на 9 артылерыйскіх палігонах акругі. На палявыя заняткі выведзена больш за 50 батарэй ствольнай і рэактыўнай артылерыі ЗВА.

Зборы артылерыйскіх злучэнняў і воінскіх частак ЗВА працягнуцца да канца сакавіка.