Расея закрывае мяжу для ўкраінцаў з прымежных раёнаў
- 20.03.2014, 15:19
Масква ўводзіць абмежаванні на перасоўванне жыхароў Украіны праз сваю мяжу.
У прыватнасці, часова прыпыняецца пропуск жыхароў з Харкаўскай, Сумскай і Луганскай абласцей.
Пра гэта паведамляе Дзяржаўная памежная служба Украіны.
Паводле паведамлення, сёння з 18.00 расейскі бок часова прыпыняе пропуск жыхароў прымежных рэгіёнаў у мясцовых пунктах пропуску.
Гэта рашэнне не закране ўкраінскія мясцовыя пункты пропуску "Жураўлёўка" і "Аляксандраўка" ў Харкаўскай вобласці. Там людзі могуць перасякаць мяжу ў пешым парадку, а ў "Аляксандраўцы" будуць прапускаць яшчэ і рэйсавыя аўтобусы.