Відэа, якое ўражвае: Майдан у Днепрапятроўску спявае гімн Украіны

• 2.03.2014, 20:16

15 тысяч жыхароў Днепрапятроўска пратэставалі супраць расейскай агрэсіі.

У горадзе таксама прайшоў марш супраць палітыкі Уладзіміра Пуціна. Падчас шэсця, якое прайшло ад будынка Днепрапятроўскай АДА да плошчы Герояў Майдана, скандавалі «Усход і Захад разам!», «Далоў Пуціна!», «Пуцін - Гітлер!», «Пуціну капут!», «Украіна - не Расея!», а дзясяткі аўто, якія ехалі побач, адказвалі ім сігналамі падтрымкі.

Народнае Веча ў Днепрапятроўску прыняло пастанову аб падтрымцы адзінства Украіны і стварэнні «Штаба нацыянальнай абароны».