Папа Рымскі заклікаў свет маліцца за Украіну

• 2.03.2014, 16:29

Папа Рымскі Францыск у нядзелю ў Ватыкане выступіў у падтрымку ўкраінцаў.

Пра гэта паведамляе «Радыё Свабода».

«Заклікаючы ўсё грамадства Украіны працаваць над пераадоленнем рознагалоссяў і сумесна будаваць будучыню дзяржавы, звяртаюся да міжнароднай супольнасці з гарачым заклікам падтрымаць кожную ініцыятыву на карысць дыялогу і згоды», - падкрэсліў Папа Рымскі.

Такі зварот з вуснаў пантыфіка прагучаў пасля малітвы «Анёл Гасподні». Папа Францыск тройчы звяртаўся з малітвай за Украіну і заклікам усіх бакоў да дыялогу падчас пратэстаў у Кіеве.