Беларусь знізіла вытворчасць бензіну на 16%

• 17.03.2014, 16:25

Вытворчасць бензіну ў Беларусі ў лютым 2014 года склала 313,7 тыс. тон.

Гэта на 16,1% менш, чым у студзені 2014 года і на 12,5% менш, чым у лютым 2013 года, паведамляе Нацыянальны статыстычны камітэт.

Выпуск дызпаліва ў лютым скараціўся на 15,3% у месячным вылічэнні і на 7,8% у гадавым да 554,2 тыс. тон, піша АФН.

За студзень-люты 2014 года было выраблена 687,4 тыс. тон бензіну, што на 6,2% менш, чым у студзені-лютым 2013 года. Выпуск дызпаліва скараціўся на 4,6% і склаў 1208,9 тыс. тон.