Праеўрапейскія нацыяналісты перамаглі на парламенцкіх выбарах у Сербіі

• 17.03.2014, 10:06

Правацэнтрысцкая Сербская прагрэсіўная партыя атрымала вялікую перамогу на мінулых нядзельных парламенцкіх выбарах.

Яна зойме прыкладна 160 з 250 месцаў заканадаўчага органа ўлады. Такія дадзеныя экзіт-полаў, паведамляе Associated Press.

Гэты вынік стаў самым вялікім поспехам адной партыі ў Сербіі з тых часоў, як у пачатку 1990-х у краіне была ўведзеная шматпартыйная сістэма, перадае РІА «Новости».

Бліжэйшыя пераследнікі «прагрэсістаў», іх партнёры па кааліцыі з Сацыялістычнай партыі Сербіі атрымалі прыкладна 50 месцаў. Яўка склала 53%. Афіцыйныя вынікі галасавання будуць абвешчаныя ў панядзелак, аднак усе палітычныя сілы, занятыя ў выбарах, ужо прызналі, што яны не моцна будуць адрознівацца ад папярэдніх дадзеных.

Чакаецца, што пераможцы выбараў вызначаць прэм'ер-міністрам свайго лідара Аляксандра Вучыча, які раней быў цвёрдым па-прарасейску настроеным нацыяналістам, аднак у апошні час стаў заўзятым прыхільнікам еўрапейскага выбару Сербіі.

Сербская прагрэсіўная партыя створаная ў 2008 годзе 21 парламентарамі, якія выйшлі з Сербскай радыкальнай партыі, якая аб'ядноўвала саюзнікаў зрынутага ў 2000 годзе Слабадана Мілошавіча. У цяперашні час «прагрэсісты» выступаюць за рэформы, якія змогуць прывесці краіну да інтэграцыі з Еўрапейскім Звязам.