У Парыжы абмяжоўваюць рух аўтамабіляў
- 16.03.2014, 10:02
Пачынаючы з панядзелка, у Парыжы часова абмяжоўваецца карыстанне асабістым аўтатранспартам.
Уладальнікі аўто і матацыклаў з цотнымі і няцотнымі нумарамі змогуць выязджаць у горад праз дзень.
Праз спалучэнне цёплых дзён і халодных начэй, якое перашкаджае цыркуляцыі атмасферы, утрыманне шкодных рэчываў у парыжскім паветры пяты дзень запар перавышае дапушчальную норму ў два з лішнім разы, паведамляе BBC.
Аналагічная мера ў падобнай сітуацыі ўжо ўводзілася ў 1997 годзе.
Акрамя таго, улады зрабілі на тры дні бясплатным грамадскі транспарт.
Паводле ўзроўню забруджвання паветра Парыжа саступае сярод сусветных сталіц толькі Пекіну.