Украінскія вайскоўцы спынілі правакацыю расейскіх салдат
- 15.03.2014, 17:53
Узброеныя расейскія вайскоўцы спрабавалі патрапіць у Херсонскую вобласць з Крыму.
Сіламі падраздзяленняў Узброеных Сіл Украіны спроба пранікнення з боку Арабацкай стрэлкі была спынена. Пра гэта паведамілі ў прэс-службе Мінабароны Украіны, паведамляе УНП.
«Адпор быў ажыццёўлены неадкладна. Расейскія вайскоўцы вярнуліся на ранейшае месца знаходжання», - гаворыцца ў паведамленні, у якім адзначаецца, што з мэтай неадкладнага рэагавання на правакацыю, з украінскага боку былі паднятыя сілы армейскай авіяцыі Сухапутных войскаў Узброеных Сіл Украіны, а таксама сілы аэрамабільнага батальёна.
Нагадаем, каля пасёлка Стралковае (Арабацкая стрэлка, Геніческі раён, Херсонская вобласць) арыентыровачна ў 13:30 паводле мясцовага часу з верталётаў высадзіўся дэсант з 40 марскіх пяхотнікаў расейскіх войскаў.