Украіна гатовая выйсці з СНД

• 15.03.2014, 9:34

У Вярхоўнай Радзе хочуць дэнансаваць Пагадненне аб стварэнні СНД.

Адпаведны законапраект быў зарэгістраваны ва ўкраінскім парламенце.

Народны дэпутат ад «Родины» Барыс Тарасюк зарэгістраваў у Вярхоўнай Радзе Украіны законапраект аб дэнансацыі Пагаднення аб стварэнні Садружнасці Незалежных Дзяржаў (№ 0074).

Аб гэтым паведамляецца на сайце парламента.

Раней в.а. міністра замежных спраў краіны Андрэй Дзешчыца заявіў, што Украіна мае намер выйсці з СНД «праз няздольнасць арганізацыі служыць інструментам развязвання канфліктаў паміж яе сябрамі».

СНД - Садружнасць Незалежных Дзяржаў - міждзяржаўны саюз, у які ўваходзіць большасць былых рэспублік СССР. Украіна з'яўляецца адной з дзяржаў заснавальніц СНД разам з Расеяй і Беларуссю, аднак Дагавор так і не быў ратыфікаваны ва Украіне.