Лукашэнка ўгаворвае беларусаў ісці на мясцовыя «выбары»

• 14.03.2014, 12:27

Кіраўнік просіць выбаршчыкаў прыйсці на выбарчыя ўчасткі.

Пра гэта ён заявіў сёння на сустрэчы з суддзямі Канстытуцыйнага суда Беларусі, перадае БелТА.

«Для нас важна меркаванне кожнага чалавека», - заявіў ён.

Таксама кіраўнік сказаў, што «нам не патрэбныя ўзрушэнні і рэвалюцыі, і мы не дапусцім ў краіне любога роду экстрэмізму.

Нашы людзі могуць спакойна жыць, вучыцца і працаваць. Дзяржава і ў далейшым працягне ствараць умовы для свабоднага і годнага развіцця асобы, забяспечваць законнасць і правапарадак».

Нагадаем, пачынаючы з 1995 года ні адны «выбары» і ні адзін «рэферэндум», якія праводзяцца ў Беларусі, не былі прызнаныя міжнароднымі арганізацыямі і заходнімі краінамі.