Абложаная Рада адмовілася мяняць Канстытуцыю Украіны (Відэа, онлайн)

• 6.02.2014, 14:05

Маршалак Уладзімір Рыбак абвясціў аб закрыцці сесіі парламента.

Вярхоўная Рада не будзе працаваць у пятніцу і датуль, пакуль дэпутаты не напрацуюць праект закона аб унясенні змяненняў у Канстытуцыю краіны, паведаміў маршалак, піша «Корреспондент».

«Сесія будзе сабраная ў кожны момант на наступным тыдні, калі дэпутаты падрыхтуюць дакументы», - сказаў Рыбак, пасля чаго закрыў пасяджэнне Рады.

Вечаровага паседжання ў чацвер таксама не будзе. Дэпутаты адмовіліся ствараць камісію для змяненняў у Асноўны закон у сувязі з тым, што апазіцыя адмовілася дэлегаваць туды сваіх прадстаўнікоў.

«Кіраўнікі фракцый пагадзіліся не галасаваць і не ствараць часовую спецыяльную камісію, бо апазіцыя, лідары фракцый, не даюць сваіх прадстаўнікоў у гэтую камісію, і кіраўнікі фракцый намагаюць таго, што мы самі здольныя падрыхтаваць адпаведныя змены», - заявіў Рыбак.

Нагадаем, апазіцыя адным з шляхоў выхаду з палітычнага крызісу ва Украіне называе вяртанне да Канстытуцыі 2004 года, якая прадугледжвае парламенцка-прэзідэнцкую форму кіравання.