Лукашэнку далі ролю ў «Штосьці не так» (Відэа)

• 6.02.2014, 11:59

У інтэрнэце з'явіўся мультфільм па матывах прапагандысцкага блокбастара «Авель».

У ім распавядаецца пра тое, што беларускаму кіраўніку прапанавалі згуляць ролю ў карціне, піша «Белорусский партизан».

- Але ж я не акцёр, а раптам у мяне не выйдзе, - адказвае Лукашэнка.

- Не хвалюйцеся, роля кароткая, па сюжэце на 5 хвіліне вас ужо забіваюць, - супакойвае рэжысер.

- Што значыць, забіваюць?

- Ну вы ж прасілі забяспечыць касавасць! А на такое прыйдзе паглядзець уся краіна!

Нагадаем, пра тое, што беларуская прапаганда задумала свой адказ фільму «Жыве Беларусь», стала вядома ў мінулым годзе. Сяргей Ждановіч, вядомы як прадзюсер серыяла ПРААН «Вышэй за неба» і яго кампаніі, быў абраны Міністэрствам культуры Беларусі і адміністрацыяй Лукашэнкі для рэалізацыі праекта «Плошча кахання» («Авель»), які закліканы стаць беларускім афіцыйным адказам на «Жыве Беларусь» рэжысёра Кшыштафа Лукашэвіча па сцэнары Франака Вячоркі.

На прапагандысцкі фільм плануецца выдаткаваць каля 2 мільёнаў даляраў.