Байцам «Беркута» выдадуць расейскія пашпарты

• 28.02.2014, 20:02

Генконсульству Расеі ў Сімферопалі даручана пачаць выдачу расейскіх пашпартоў байцам «Беркута».

Пра гэта паведамляе МЗС РФ.

«Генеральнаму консульству РФ у Сімферопалі даручана тэрмінова распачаць усе неабходныя меры для пачатку выдачы расейскіх пашпартоў байцам атрада «Беркут», - гаворыцца ў паведамленні, размешчаным на старонцы МЗС Расеі ў сацыяльнай сетцы «Фэйсбук».

Нагадаем, спецпадраздзяленне «Беркут» выкарыстоўвалася ўладамі Украіны для барацьбы з удзельнікамі пратэстаў. 26 лютага стала вядома аб тым, што в.а. Кіраўніка МУС краіны прыняў пастанову аб яго расфармаванні.