Гастарбайтэр з Узбекістана скраў пяць тон цукерак у Маскве
- 28.02.2014, 16:52
У Маскве па падазрэнні ў крадзяжы пяці тон кандытарскіх вырабаў затрыманы грузчык з Узбекістана.
Пра гэта 28 лютага паведамляецца на сайце гарадскога ГУ МУС.
Прадстаўнік кандытарскага холдынгу, размешчанага ў 2-м Новакузнецкім завулку, звярнуўся ў паліцыю 27 лютага. Ён заявіў, што са склада холдынгу зніклі прысмакі агульным коштам паўтара мільёна рублёў.
27-гадовага грузчыка, падазраванага ў злачынстве, затрымалі праз некалькі гадзін па месцы пражывання. Яму будзе прад'яўленае абвінавачванне па 158-м артыкуле КК РФ (крадзеж), піша Lenta.ru.
Як менавіта грузчык змог вывезці са склада такую колькасць кандытарскіх вырабаў, не ўдакладняецца. Следчыя мяркуюць, што ў яго быў саўдзельнік. Яго асоба вызначаецца.