МЗС Літвы выклікаў амбасадара Расеі

• 28.02.2014, 13:08

МЗС Літвы ў пятніцу выклікае амбасадара Расеі ў сувязі з крызісам у Крымскім рэгіёне Украіны.

«Сёння мы выклічам амбасадара Расеі, каб ён патлумачыў пазіцыю сваёй краіны», - сказаў журналістам міністр замежных спраў Літвы Лінас Лінкявічус.

Літва будзе дамагацца ўключэння пытання аб крызісе ў Крымскім рэгіёне Украіны ў парадак дня Савета бяспекі ААН, паведаміў у пятніцу міністр замежных спраў Літвы Лінас Лінкявічус, піша ru.delfi.lt.

«Місіі дадзенае даручэнне выкарыстоўваць усе магчымасці, каб пытанне аб сітуацыі з бяспекай на Украіне было ўключана ў парадак дня Савета бяспекі ААН», - сказаў міністр BNS.