На мяжы з Украінай затрыманы беларускі журналіст

На памежным пераходзе Новая Гута затрымалі незалежнага журналіста Анатоля Гатоўчыца.

Сябра Беларускай асацыяцыі журналістаў быў узяты пад варту ўкраінскімі памежнікамі, паведамляе ПЦ «Вясна».

Па словах Анатоля Гатоўчыца, яго падазраюць у тым, што ён парушыў парадак знаходжання ў памежнай зоне.

Журналіст прыехаў на памежны пераход з мэтай падрыхтоўкі матэрыялу пра тое, як змянілася сітуацыя на мяжы ў сувязі з апошнімі падзеямі ва Украіне.

«Я падышоў да старэйшага змены, паказаў пасведчанне карэспандэнта БелаПАН і папрасіў пракаментаваць сітуацыю на мяжы на сёння», - распавёў ён.

«Памежнік узяў пасведчанне, пайшоў нешта высвятляць, потым запатрабаваў дакументы, якія пацвярджаюць асобу», - дадаў Анатоль.

Паколькі карэспандэнт не прад'явіў пашпарт адразу з пасведчаннем, яго затрымалі для высвятлення абставінаў. Ідзе разбіральніцтва.

Апошнія навіны